[RwandaLibre] Re: Karegeya murder: Brig Gen KALISA Faustin, Maj MATUNGO and Capt TUYISENGE to be extradited

Concernant les noms des officiers de Kagame arrêtés au Mozambique,

vous voyez que ces gens font partis d'un système dont la chaîne a été

décrite par le journal Umuvugizi depuis 2011. Brig. Gen. Faustin

Kalisa est mentionné dans cette liste de Umuvugizi.



Urutonde rw'agatsiko kayogoje u Rwanda gakorana na Perezida Kagame!!



Isomere agatsiko kayoborana na Kagame !!!



Hashize iminsi dukora iperereza rijyanye n'uburyo igihugu cyacu

kiyobowe. Mu Rwanda hari ubutegetsi bubiri, ari bwo ibyitwa inzego za

nyirarureshwa, n'akazu kayobowe na perezida Kagame, ndetse n'umufasha

we Jeannette Nyiramongi.



Itohoza twakoze ryemeza na none ko muri ako kazu harimo n'ikigirwamana

cyitwa Gen Jack Nziza, utagira uburambe na buke mu kazi. Yananiwe

amasomo ya gisirikare muri Zambia kubera ubumenyi bucye, ahitamo

kwibera igikoresho cya Kagame mu bikorwa by'ubwicanyi bukorerwa mu

gihugu, no mu bujura bwayogoje igisirikare. Uyu mugenerali ni we

uyoboye igisirikare cyose kuko abayobozi bandi ba gisirikare ari we

baha ama raporo, na we akayatanga kwa Kagame cyangwa ku mugore we,

Jeannette Kagame. Uwo ari we wese Jack Nziza ategetse ko yicwa,

ntarara cyereka uwo Uwiteka yahagazeho.



Gen Jack Nziza anategeka hafi inzego zose z'igihugu n'iza polisi.

Akorana na ACP Faustin Kalisa mu bwicanyi bwose bushoboka, kuko uyu

Kalisa afite ingufu kurusha abapolisi bamuyobora, ibi kubera kuba

igihangange mu gutinyuka kumena amaraso y'inzirakarengane.



Mu gisirikare, Gen Jack Nziza akoresha Brig Gen Rutatina na Col Dan

Munyuza, ku buryo aba bombi uwo bagambaniye atarara.



Itangazamakuru ryo mu Rwanda na ryo ryananiwe gukora akazi karyo

kubera ko uriyoboye, Patrice Mulama, akoreshwa na Gen Jack Nziza.

Artur Asimwe na we akoreshwa na Nziza, anyuze kuri Musoni James.

Patrice Mulama na Artur Asimwe ni bo batanga amazina y'abanyamakuru

bagomba kwicwa cyangwa gufungwa, bakanatanga inama yo gufunga

ibinyamakuru cyangwa gutesha agaciro imiryango irengera uburenganzira

bw'itangazamakuru ku isi.



Inteko nshingamategeko y'u Rwanda na yo ni igikoresho (Rubber Stamp)

cya Kagame, uyu na we agakoresha Gen Jack Nziza, aho uyu na we

akoresha depite Kaboneka Francis na Constance Rwaka (Constance Rwaka

ni umwe mu bigirwamana by'abadepite batinze mu nteko ishinga amategeko

muri za commision zose. Ahagarariye inyungu z'agatsiko, akaba ari

n'umutoni wa Jeannette Kagame kubera kuba umupfakazi wa muramu wa

Jeannette Kagame witwa Ndoba). Ndoba yahoze atunze mukuru wa Jeannette

Kagame, witabye Imana.



Akandi gatsiko ni agashinzwe kuyogoza abacuruzi bo mu Rwanda. Kayobowe

na Capt Rushema, Ntazinda, Alexandre, na Ngarambe. Aba bashinzwe

guhatira abacuruzi gutanga kimwe cya cumi cy'umutungo uturuka mu

bucuruzi bwabo, bakagitanga mu buyobozi bw'ishyaka rya FPR.



Musoni James : ni ikindi kigirwamana kigiye kworeka igihugu, aho na we

yujuje ibisabwa byose nka Gen Jack Nziza. Aba bombi ni abanyantege

nkeya mu bijyanye n'ubumenyi, bakaba ari n'ibikoresho byazamuwe mu

ntera kubera kugambanira abanyabwenge b'u Rwanda. Musoni ni intumwa

idasanzwe ya Kagame mu gusahura umutungo w'igihugu, ku buryo adateze

kwibagirana mu mateka ya za minisiteri nka Minicom, Minicofin, aho

yavuye amaze gukamya ikigega mu kwibira Kagame akayabo katagira

ingano. Ubu buhanga bwo kwibasira isanduku y'igihugu byamuhaye ingufu

zidasanzwe, bimuha n'ijambo mu kwimika abayobozi b'igihugu bose, kuva

kuri Makuza Bernard kugera ku muyobozi w'umurenge. Abakamiwe na Musoni

bamugezaho raporo y'amanyanga yose ashoboka, na we akayigeza kuri

shebuja Pahulo Kagame cyangwa kuri Jeannette Nyiramongi. Musoni ni we

uha umugisha amasoko hafi ya yose atangwa mu gihugu; abashaka akazi

keza ni we banyuraho, ariko cyane cyane iyo bitwaje agapapuro kaba

kariho umukono wa Jeannette Kagame.



Col Dr Emmanuel Ndahiro : Nyuma yo gukurwaho icyizere, yahawe umwanya

wa baringa wo gushingwa amateka no gushyingura inyandiko muri

minisiteri y'ingabo (History and Archives Department). Iri kurwaho

icyizere rikaba ryaratewe no kunanirwa kwica abatavuga rumwe na

Kagame, babarizwa mu bihugu by'Uburayi, no kuba yarananiwe kwica Gen

Kayumba Nyamwasa. Dr Ndahiro yabaye icyamamare cyane mu mateka y'u

Rwanda ubwo yatangaga amabwiriza yo kwica Jean-Léonard Rugambage, wari

umwanditsi mukuru wungirije w'ikinyamakuru Umuvugizi. Yahekuye iki

kinyamakuru akoresheje abasirikare barinda Perezida Kagame, nyuma

y'uko Umuvugizi ushyize ahagaragara ko ari we watanze amabwiriza yo

kurasira Gen Kayumba mu mwaka ushize, muri Afurika y'Epfo.



Kimwe na bagenzi be bafasha perezida Kagame kunyereza umutungo wa

rubanda, Dr Ndahiro na we amaze kwigwizaho imitungo itagira ingano,

yubatsemo imitamenwa mu Rwanda no muri Afurika y'Epfo.



Umugore we ni we wari uhagarariye mu Rwanda isosiyete y'umuhungu wa

perezida Arap Moi, isosiyete yitwaga "Blue Triangle", yasahuye akayabo

katagira ingano ubwo yabonaga ikiraka cyo kugura isima yubatse inzu ya

minisiteri y'ingabo ku Kimihurura, izwi kw'izina rya "Pentagone".



Prof Nshuti Manasseh: Ni umwe mu banyabwenge wiyemeje kwitandukanya

n'ubwenge bwe kubera kurwanira indonke n'amaramuko. Yemeye kuba

ikiraro cyo gusahura no guhisha umutungo wa perezida Kagame, aboneraho

akanya ko gukoresha amasosiyete ya FPR kubakisha amazu ye bwite

abarizwa ahitwa i Gacuriro. Ubu arimo kugenda akurwaho amaboko kubera

kunanirwa gutanga umusaruro ugaragara muri minisiteri zose yagiye

ahagararira. Akazi gakomeye asigaranye muri iki gihe, ni ako gucunga

ingendo na parikingi by'indege za perezida Kagame.



Gen Kayonga Charles : Ni we mugaba mukuru w'ingabo udakunzwe n'abo

ayobora kubera kudakoresha ubwenge yize mu ishuri, ahubwo agahora

ategereje amabwiriza aturutse kwa shebuja perezida Kagame. Aya

mabwiriza arengera inyungu z'agatsiko kurusha iz'abasirikare muri

rusange, bakora imirimo ivunanye ugereranije n'iyo umugaba mukuru

wabo, akora. Gen Kayonga ntateze kwibagirana mu mateka y'abagogwe ubwo

yabariraga inka ku mugaragaro, iki gisebo n'iki cyaha bikaba nta

gushidikanya ko bihora bimukora mu bwonko. Arangwa no gutinya gufata

ibyemezo bikomeye nk'ibyafatwaga n'abakuru b'ingabo bamubanjirije.



Gen Fred Ibingira : Uyu ni umwe mu basirikare bakuru ba Kagame uzwiho

gukorera ku bihuha gusa. Kubera ubumenyi bwo hasi cyane bumurangwaho,

ntatinya kumena amaraso y'inzirakarengane nyinshi. Muri mata 1995,

yagabye igitero cyahitanye impunzi z'abanyarwanda batagira ingano,

bari mu nkambi y'ahitwa i Kibeho, mu cyahoze cyitwa perefegitura ya

Gikongoro. Igishya ni uko aherutse guhabwa inshingano zo gusaranganya

Ibikingi bari baranyaze abaturage ariko yibagirwa kugabanya ibye

n'ibya perezida Kagame yanyaze Umubiligi .



Aloyisia Inyumba : Aherutse kuzuka muri politiki nyuma y'aho

yirukaniwe muri sena kubera amakimbirane yari afitanye na Jeannette

Kagame, mbere y'uko biyunga. Ubu yagizwe inararibonye ubutegetsi bwa

Kagame bwitabaza mu kureshya abanyarwanda bari barayobotse amashyaka

ya RNC na FDU-Ikingi. Inyumba yazukanye ingufu zidasanzwe muri

politiki kubera gucunga neza amafaranga ya Kagame, ahabwa mo ruswa

abatavuga rumwe n'ubutegetsi bwe, ubu bugeze mu ikorosi rikomeye.



Amb Gasana Eugene : Uyu na we ni umuvandimwe wa Jeannette Kagame,

akaba yaragororewe kuba ambasaderi w'u Rwanda mu Budage, nyuma yo

gusahura akanahombya ikigo cya Altel. Mu Budage, yari afite n'akandi

kazi ko gushakira perezida Kagame amamodoka ahenze, anagezweho yo mu

bwoko bwa Mercedes Benz. Ikindi kiraka yari afite mu Budage cyari icyo

kugurira imyenda myiza Jeannette Kagame, mbere y'uko yongera

kugororerwa kuba ambasaderi w'u Rwanda i New-York, ariko na none

kugirango we n'umugore we Agnes Gasana, bazajye bita ku bana ba

perezida Kagame biga i New-York na Boston.



Richard Murefu : Ni musaza wa Jeannette Kagame, akaba ari n'umuyoboro

mushiki we asahuriramo umutungo w'igihugu. Ni we ucungira Jeannette

Kagame inganda z'ibyayi zose zo mu gihugu, afatanyije n'umucuruzi

witwa Gatera Egide. Richard Murefu ni na we wahawe amasoko yo

kugemurira lisansi na mazutu ibigo byose bya gisirikare. Si ibyo gusa

kuko yanahawe ibindi biraka muri minisiteri y'urubyiruko yari

afatanyijemo n'umuvandimwe we Musare Murefu.



Musare Murefu: Nawe ni musaza wa Jeannette Kagame, akaba ari n'umwe mu

baherwe mu itangazamakuru ry'u Rwanda. Ni we ucungira mushiki we radio

yitwa Contact FM, ari na yo mpamvu ibona amasoko kurusha izindi radio,

zirimo n'iy'igihugu (Radio Rwanda). Ibiganiro byinshi bya perezida

Kagame, ni yo abihitishaho mu rwego rwo kuyitera inkunga.



Pichette Sayinzoga: Ni umugore wa mwishwa wa perezida Kagame witwa

Byusa. Yagiriwe icyizere cyo kuba umunyamabanga mukuru muri minisiteri

y'imari afite imyaka mirongo itatu gusa, nta n'uburambe buhagije

afite. Ibi byose byatewe n'amabwiriza ya perezida Kagame wamushakaga

muri uriya mwanya kugirango ahagararire inyungu ze zo gusahurira

isanduka ya Leta mu mufuka we.



Mukuru wa Pichette Sayizonga na none ni we ushinzwe abakozi muri Banki

z'abaturage, akaba afatanyije na mwishwa wa Gen Jack Nziza, maneko

Alain Nsenga na we ushinzwe umutekano muri iyo banki. Aba bose ni bo

bica, bakanakiza muri banki zinyuzwamo imishahara y'abarimu bo hirya

no hino mu gihugu. Banki z'abaturage ni na zo zibikwamo uturapfarapfa

tw'abaturage bishoboye. Ise wa Pichette Sayizonga na we yitwa Mzee

Sayizonga, akaba ari we ushinzwe komisiyo ishinzwe amafaranga menshi

y'abaterankunga, n'ay'abasirikare bavuye ku rugerero.



Flora Murefu : Ni umugore wa musaza wa Jeannett Kagame, ari we Richard

Murefu. Ni we ushinzwe abakozi n'ubutegetsi muri Banki ya Kigali. We

na Gatera James, umuyobozi w'iyi banki, akaba yaranahoze ari

umujyanama wa perezida Kagame, ni bo bahagarariye ubucuruzi n'inyungu

za perezida Kagame muri iyo banki kurusha iza rubanda, ibika muri

Banki ya Kigali.



Dr Agnes Binagwaho : Ni inshuti magara ya Jeannette Kagame, akaba ari

na we umaze igihe kinini muri minisiteri y'ubuzima, aho yagiye yirenza

bagenzi be batandukanye bagiye bagerageza gushaka kumubangamira mu

kuba umuyoboro wo gusahura akayabo k'abaterankunga muri iyo minisiteri

(Global Fund). Akazi ke ni ukwamamaza no kugaragaza ko ayo mafaranga

akoreshwa neza, ko n'umubare w'abanyarwanda wicwa n'indwara wagiye

ugabanuka. Ahasigaye ayo mafaranga yose aturuka mu baterankunga

akanyuzwa iy'ubusamo, ariko mu mayeri menshi, nta we urabutswe.



Ruki na Diane Karusisi Ngendo : Ruki ni umwe mu basirikare bakomeye

barinda perezida Kagame, akaba afite ingufu zisatira iza Maj Rwagasana

Willy. Agenda arushaho gukomera no kugirirwa icyizere na Jeannette

Kagame, ari na yo mpamvu mushiki we Diane Karusisi Ngendo yagororewe

umwanya wo kuyobora ikigo cya «Statistics» na cyo kigomba kugoreka

imibare mu nyungu zo kubeshya abaterankunga. Bagaragaza ko u Rwanda

rugeze ku iterambere rizira amakemwa, mu gihe umuturage akiririra mu

myotsi.



Ines Mpambara : Uyu ni ukuboko kw'iburyo kwa Madame Jeannette Kagame,

akaba ari na we ushinzwe ibiro bya perezida Kagame. Yabaye indahiro mu

mateka ya perezidansi kubera kuba inyuma yo kwirenza abantu benshi

bari bakomeye muri ibyo biro, kandi mu gihe gito cyane. Abo yirengeje

barimo uwahoze ari umunyamabanga wihariye wa perezida Kagame, Davina,

Dr David Himbara, Gen Mugambage Frank, Col Tom Byabagamba, Kalisa

Mupende, Capt Musekera n'abandi. Iki kiraka Ines yagifashwagamo na Maj

Willy Rwagasana, ku mabwiriza ya Jeannette Kagame.



Umuryango wa Kalimba: Umuryango wa Kalimba ni umwe mu bikomerezwa bya

Jeannette Kagame, ukaba ari wo wareze (kurera) Jeannette Kagame akiri

muri Uganda, ahitwa Jinja, mbere y'uko FPR igera ku butegetsi mu

Rwanda. Jeannette Kagame yagororeye uyu muryango ubwo yagiraga Rosette

Rugamba umuyobozi wa ORTPN kugeza ejobundi yirukanywe, Armand Kalimba

ni we wari ushinzwe gucururiza perezida Kagame amabuye y'agaciro

yacukurwaga muri Kongo, akoresheje sosiyete yitwa Rwanda Metal. Yaje

kugororerwa nyuma y'aho sosiyete yuzuza inshingano zayo, ashingwa

ubucuruzi muri Ambasade y'u Rwanda muri Afurika y'Epfo. Basile Kalimba

ni we uhagarariye ubucuruzi bw'amazu "Real Estates" ya Jeannette

Kagame muri Afurika y'Epfo. Linda Kalimba na we, nyuma yo gukora igihe

kirekire nk'umunyamategeko muri Rwanda Revenue Authority, yaje

kugororerwa kuba ushinzwe ubucuruzi muri Ambasade y'u Rwanda mu

Bwongereza.



Umuryango wa Kayihura : Itohoza twakoze ryemeza ko uyu muryango ari

umwe mu miryango ifite ingufu ku butegetsi bwa Kagame, ingufu ukura

kwa Jeannette Kagame, dore ko ari wo wamucumbikiye igihe yabarizwaga

muri Kenya mbere y'uko ashakana na Kagame. Amaze kugera ku butegetsi,

yagororeye Yolanda Makolo, umukobwa wa Specioza Kayihura, kuba

ushinzwe Itangazamakuru muri perezidansi, na ho Yvonne Makolo,

umukobwa wa specioza Kayihura, ni we ushinzwe marketing mu kigo

cy'itumanaho cya MTN; Viviane Kayitesi, umukobwa wa Kaana Kayihura, ni

we ushinzwe ishoramari "Investment" mu kigo cya Rwanda Development

Board, Teta Rutimirwa, umukobwa wa Gasumuni Kayihura, ni we ushinzwe

"Urban planning" mu kigo gishya gishinzwe ubutaka "Land office", na ho

Rama na Minega Isibo, na bo ni bamwe mu batoni bo mu kinyamakuru cya

perezida Kagame, The New Times. Amb Kayihura ubu abarizwa muri

ambasade y'u Rwanda muri Koreya y'Amajyepfo.



Joseph , Kigali .



One Response to Urutonde rw'agatsiko kayogoje u Rwanda gakorana na

Perezida Kagame!!



anonymous Log in to Reply



September 27, 2011 at 10:23 am



Murakoze cyane kututangariza uru rutonde rwabantu bayogoje Urwanda

rwacu binjyanye nakarengane nubwicanyi.



Ariko harabantu mwibagiwe kandi abantu bagomba kumenkwa. Umuntu

Gen.Gumisiriza Wilson njyeranije nabo uvuze nka Ibigira Gumisiriza

yica kumurusha kuko wasangaga afite amabwiriza yokwica kurusha Ibigira

dore ko arinawe wa maneko mukuru mungabo za Ibigira mugihe

cyomuntambara nohanyuma iragiye. Kagame amwizera kugira amayeri

yokwica kurusha ibigira. Ibigira bamwohereza nkimodoka idacana amatara

ninjoro. Kandi we yunva ko kuba Gen nkuko anabyivugira ngo nukubera

Kagame. Byagera kuri kagame akishima cyane.



Jack nziza afite abantu akoresha cyane yizera badakunda kuvugwa

karangwa na Burabyo. nabantu bamaze abantu nabandi mu Rwanda.



Ndagirango bwire abasomwi biyi mbuga ko Kagame ibintu birushaho

kwagirika kandi nawe yaje kubibona atagishoboye kubisana nantinege

yagira gusaba imbabazi abanyarwanda kubera imbanga amaze kworeka. Rero

ibyakora bimeze nkibyumuntu wasaze.



Igisigaye kuriwe nabona byagiye cyimwe mwitege kubamara kuko ntiyifuza

ko hazagira undi wamusimbura akagira icyo asanga. mwitege

igikurikiraho



Atanze amafaranga kuko kuriwe yibwiraga ko cash ntacyiyinanira!!!!

Aragerageje arayatanze hanze nomurwanda ariko imana iramwereka ko

ntacyashoboye ko ari Sitani.



Njyirango kagame yiboneye ko yowitanjyiriye icyintu uba ufite uburyo

ucyitwaramo. naraba azicuza kuburyo ndizera ko yoyicaye urupfu rwa

Rwigema rumutambuka mumaso,namwibutsa nabandi nka

sam,kaitare,Nduguteye, KIiza, kareba, karangwa muto na mukuru, Tega

yiciye kampala amurashishije akoresheje cash inyuze kuri ambasande

yurwanda mu Uganda. Noneho shyiraho Abart wari naneko yaje kuba no

SND.nabandi bantu bagiye bapfa Tutubagiwe na Agath yabeshye isi ngo

nintera hamwe.Muzabaze karamba ko,atabizi. na kayonga. Abanyamakuru bo

nanshaka kubunva cyereka arabakozi ba new times yitegecyera.



Nvuza aba nibenshi mba girango abone ko tubizi kandi aracyifuza

kugerakaho nabandi. Reka nizere ko abo atashoboye kugeraho cyangwa

yagerageje kwica bikamunanira mube maso ,ngo ibuye ryagaragaye ntiriba

ricyishi isuka.Kageme soma 1corth 9:7



http://www.google.ca/gwt/x?gl=CA&hl=en-CA&u=http://www.umuvugizi.com/%3Fp%3D3811&q=brig.+gen.+faustin+kalisa&sa=X&ei=0m_YUt35KceW0QW3hYDABw&ved=0CCcQFjAD





--

SIBOMANA Jean Bosco

Google+: https://plus.google.com/110493390983174363421/posts

YouTube Channel: http://www.youtube.com/playlist?list=PL9B4024D0AE764F3D

http://www.youtube.com/user/sibomanaxyz999

***Transmission Time Interval (TTI) on Thursday January 16th, 2014:

TTI=16H08-20H30, heure de Montréal.***Fuseau horaire domestique: heure

normale de la côte Est des Etats-Unis et Canada (GMT-05:00)***





------------------------------------



=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-

.To post a message: RwandaLibre@yahoogroups.com

.To join: RwandaLibre-subscribe@yahoogroups.com

.To unsubscribe from this group,send an email to:

RwandaLibre-unsubscribe@yahoogroups.com

_____________________________________________________



More news:



http://amakurunamateka.blogspot.co.uk/



http://ikangurambaga.blogspot.co.uk/



--------------------------------------------------------------------------Yahoo Groups Links



<*> To visit your group on the web, go to:

http://groups.yahoo.com/group/RwandaLibre/



<*> Your email settings:

Individual Email | Traditional



<*> To change settings online go to:

http://groups.yahoo.com/group/RwandaLibre/join

(Yahoo! ID required)



<*> To change settings via email:

RwandaLibre-digest@yahoogroups.com

RwandaLibre-fullfeatured@yahoogroups.com



<*> To unsubscribe from this group, send an email to:

RwandaLibre-unsubscribe@yahoogroups.com



<*> Your use of Yahoo Groups is subject to:

http://info.yahoo.com/legal/us/yahoo/utos/terms/